زانکۆیا زاخۆ
خۆاندنا ئاوێتە
ئەکاونتێن زانکویێ
هەمی ماموستا و قوتابیێن زانکویا زاخو ئەکاونتێن خو یێن تایبەت یێن هەین. برێکا ئەکاونتێ خۆ دگەهیته هەمی سیستەمێن ئۆنلاین یێن زانکویێ وەک (ئێمێل، گۆگل درایڤ، سیستەمێ دلنیا جۆری، پۆرتالێ ستافی، پۆرتالێ قوتابییان، سیستەمێ نەئامادەبوونا قوتابییان، سیستەمی پەرتۆکخانێ)
ئەگەر تە ئێمێلێ زانکویێ نەبت یان ژى تە پاسوۆردێ خۆ ژبیرکربیت ئێمێلەکێ بۆ َsupport@uoz.edu.krd فرێکە و تیدا دیاربکە کا تو ماموستای یان قوتابی لگەل ناڤێ خو یێ سێ قولێ بکوردی و ئینگلیزی هەروەسا ناڤێ فه‌کۆلتی و بەشێ خۆ لگەل قوناغێ
سیستەمێ موودل
بکارئینانا e-learning ێ زانکویێ، بۆ زانین زانکۆیا زاخۆ سیستەمێ موودل بکاردئێنیت و هەمی ماموستا و قوتابیان ئەکاونتێن تایبەت هەنە و پێشتر پتریا ماموستایا یێن زانکویێ بکارئیناینە. هەمی کۆرسێت زانکۆیێ د ئه‌ڤی سیستەمیدا تۆمارکرینە، هەر ماموستایەک دشێت برێکا کۆرسێ خۆ پەیوەندیی لگەل هەمی قوتابییێن دکۆرسیدا بکەت و هەر ماموستایەک دێ خشتێ وانێت خۆ لدویف خشتێ بەشێ وی بۆ دەستنیشانکری کەتە سالناما موودلی دا Moodle Calendar داکو قوتابی دەمێ وانێت خۆ بزانن.
بۆ قوتابیان
ئەگەر تو نە دکۆرسێ خو دا بێ دێ شێى داخاز ژ ماموستایێ خو یان ژ بەشێ خو بکه‌ێ دا تە دکورسیدا تۆمار بكه‌ن.
بۆ ماموستایان
- ئەگەر کۆرسێ تە د موودلی دا هەبت و تو نە دکۆرسێ خۆدا بى وەک ماموستا، دێ شێى پەیوەندیێ ببەشێ خۆ بکه‌ێ دا تە دکورسیدا تۆماربكه‌ن.
- ئەگەر قوتابیێن تە نە دکۆرسێ تەدا بن، تو بخۆ دێ شێ قوتابیێن خو زیدەکه‌ێ دکۆرسێ خۆدا.
- ئەگەر کۆرسێ تە د موودلی دا نەبت تو دێ شێى ئێمێلەکێ فرێکه‌ێ برێکا ئێمێلێ خۆ یێ زانکۆیێ لگەل ناڤێ کۆرسێ خۆ هەروەسا ناڤێ خو یێ سێ قۆلی
وانەیێن تیۆری
هەمی وانێن تیوری بۆ قوناغێن (دوو، سێ، و چار) دێ برێکا ئونلاین ئێنە تومارکرن و ئاپلودکرن بۆ سەر موودلی. بۆ قوناغێن ئێکێ دێ لناڤ کامپا زانکویێ ئێنە گوتن.
تومارکرن برێکا پروکرامێ مایکرۆسۆفت پاوەرپوینت MICROSOFT POWERPOINT
ماموستا دشێت وانەیان توماربکەت ودانێته سەر کۆرسێ خۆ د موودلیدا، ئەگەر قەبارێ وانێ یێ مەزن بیت، ماموستا دشێت دانێتە سەر گوگل درایڤێ خۆ و لینکێ وێ بەلاڤ بکەت بۆ قوتابییان.
ماموستا دشێت هندەک وانەیان پێشوەخت توماربکەت و بەلاف بکەت لسەر موودلی، پاشی د وانەیەکا راستەوخۆدا (لدویف حەزا ماموستای و قوتابیان) پتر پێزانینان لسەر بابەتی بدەت و بەرسڤا پرسیارێت قوتابییان بدەت.
وانه برێکا سیستەمێ GOOGLE MEET
ماموستا دشێت گوگل میتی بکاربینت بو تومارکرنا وانەیان. هەروەسا ماموستا و قوتابی دشێن دەمەکێ دەستنیشان بکەن بو وانێت راستەوخو ب رازەمەندیا ماموستای و قوتابیان.
بو موبایلێ دێ شێ داونلود بکەێ برێکا ئەڤی لینکی
د هەر وانەیەکێ دا ماموستایێ بابەتی دڤێت کارێ مالێ Homework بۆ قوتابیان دەستنیشان بکەت و قوتابی وەک ئەسایمنت Assignment بۆ ماموستای فرێبکەن. بوَ زانین د سیستەمێ مەدا ئەڤ کارە گەلەک بساناهی دهێتە کرن.
وانه‌یێن پراکتیکی
هەمی وانەیێت پراکتیکی دێ دناڤ لابێت زانکویی دا ئێنە دان.
ئەزموون
دڤێت ماموستایێ بابەتی پتریا نمرەیان دانیته سەر ئه‌ركێ مالێ و ئەسایمنتا، ل زانکویا زاخو ب پەیرەوکرنا پروسێسا بولونیا ئەڤ کارە بساناهیە. ژ بۆ ئه‌وان نمرەیێن پێتڤیه قوتابی راستەوخۆ بەرسف بدەت، ماموستایێ بابەتی دشێت ئەزموونا لسەر سیستەمێ موودلی چێکەت و دەمێ ئەزمونێ دەستنیشان بکەن، یا پێتڤی یە ماموستا پتر گرنگیێ بدەت پرسیارێن تێگەهشتنێ بده‌ت نەكو یێن ژبەرکرنێ (دەرخ)، داکو قوتابی نەشێت لبەر ئێک ودوو بەرسڤ بدەن.
هەمی ئەزموونێت نیڤا -کورسی و دوماهیکا کورسی دێ دناڤ کامپا زانکویێ دا ئێنە ئەنجام دان.
سەنتەرێ زانیاری و ئامارێ ICT
تیمەکا تایبەت ژ لایێ سەنتەرێ زانیاری و ئامارێ ڤە هاتیە دەستنیشانکرن، ئەڤ تیمە چەندین توتوریال و وانه‌یێن راستەوخۆ دێ بۆ ماموستا و قوتابییان دەت. ئەگەر ماموستا پێتڤی بوو ئێک لگەلدا بیت هەتا وانا خۆ دەستپێبکەت، ماموستایێ بابەتی دێ شێت پێشوەخت کەسەکێ ژ تیما هاریکار ئاگەهداربکەت داکو بشێت لدەمێ وانێ ئامادەبێت و هاریکاریێ بکەن.
